E verbër prej më shumë se 5 vitesh, 67-vjeçarja rikthehet të shohë pas një operacioni të paprecedentë në Itali

E verbër prej më shumë se 5 vitesh, 67-vjeçarja rikthehet të shohë pas një operacioni të paprecedentë në Itali

Një ndërhyrje e kryer në spitalin Molinette të Torinos po konsiderohet një moment historik për kirurgjinë e syrit.

Për herë të parë, mjekët kanë realizuar me sukses një autotransplantim të segmentit të përparmë të syrit dhe të pjesës qendrore të retinës, makulës, nga njëri sy te tjetri.

Pacientja, Elena, 67 vjeçe, kishte jetuar në errësirë për më shumë se pesë vjet pas dëmtimeve të rënda të të dy syve. Njëri sy kishte struktura okulare të shëndetshme, por nerv optik të dëmtuar në mënyrë të pakthyeshme, ndërsa syri tjetër ishte ai që mund të transmetonte pamjen drejt trurit, por kishte dëmtime të rënda.

Ekipi i drejtuar nga profesori Michele Reibaldi përdori pikërisht pjesët e shëndetshme të njërit sy për të rindërtuar syrin tjetër.

Pas një operacioni që zgjati rreth gjashtë orë, rezultati ishte ai që deri më sot konsiderohej jashtëzakonisht i vështirë: Elena rifitoi shikimin.

Ndërhyrja hap një rrugë të re në kirurgjinë okulistike, megjithëse mjekët do të vazhdojnë të monitorojnë funksionimin e retinës së transplantuar dhe rezultatet afatgjata